Hironna Jaju Gashooti Gaamo Qara Qara Loossa

• Handaaruninna dayirekitoreetete wiinni hirote hasato ganba assa
• Hirote mixo dirunnita qixxeessa
• Biirote soorreessini gumulsiissa
• Hirote lote/badooshe/ gaamanna ispesifikeeshine qixaabano gede assa
• Hiro bajetete ledo xaadise buuxa
• Dikkote xinxxallo dirunita assa
• Garafote sanade qixxeessa
• Faajetenna qarqaru garafo fusha
• Babaxino sheemate qixeessanna harunsa
• Garafotenna sheematu  gargarooshe/C.P.O/Baankete garaante gashsha
• Hewisamaano/riqiwamaanonsa noowa garafo fananna buuxa.
• Tekinikalenna fayinanshale sanade bade heewisiisa.
• Biirote garafote gumulasine komitera keene shiqishanna gumulsiisa.
• Heewisamaanote gumanssa borroteni  egensiisa.
• Shemaata eesiissa sheemaatu tajubba adhanna  e’nonni sheemaati garinni jeefo haruunsanna ripoorte shiqisha.
• Jajju kiiro dirunni mitte hinge assiissanna jajja koode uuyiine bada
• Jaja bidisu garini gashsha
• Uduunu eonna fulo assiissa
• Jaja 70A/70B borreessa
• Haro uurritino kolleejuba garafote harinsho harunsanna kaa’lo assa
• Horaameeyete dancha loosu batala qixxeessa
• dayirekiterootete jeefisaanora hedo busulsanno qajeelsha oyaa
• Loosaasinete loosu jeefonna sonu keeno assa
• Jajju ripoorte qixxeessa.
•  Kameellate Geeje niwaawe yannate kiiro haruunsanna toyaata.
•   Kameellate Geejete niwaawe xiinxallo assa.
• Hiramino uduunne Istoketenna bine kardete aana borreesse amada
• Uurinshu uduunni mazigaba dayirekiterootete kiiro loosaasine su’minni borreesse amada.
• Kameelu gatamarsha awutote ogeessini masaga

Batooshunna Ripoortete Gaamo Qara Qara Looso

• Bajetete diri mixo qixxeessa
• Mottimate womaasha bidisu garini gashsha
• Kaashe akishini planene qixeessa
• Bababaxino batooshe qixeessa
• Aganuni womaashu biironi loosu harinshonna kapitaale akishini pilaneni garini xa’ma
• Loosasinete aganu damooza qixeesse baata
• Batooshu sanade ibekisete sisiteme mareekisiisa.
• Aganu aganuni batooshu ripoote qixxeessa
• Eegote batooshe la’anosihura saysa
• Sanade sanadete kifilera saysa
• Shallagote tajeodiite assiisa
• Shallagote taje amadoshenna aderejajete riporte yanna agartinota assa
• Hiv/eedsinni gawajantinorira losaasinete wiinni gamba assinanni e’o sayiisa
• Faajete garafo sanade hire ganba assinanni womaasha  e’o sayiisa
• Horaameeyete dancha loosu batala qixxeessa

Biirote Gidooydi Horameeye wonshite shiqisha Hasiisanori

• Barru hosho xa’mo aana wo’ma hasiisanori soorreeyeteni fajjishiisha,barru batinye wonsha,mamiini mamira ikkasi xa’wisanna loosasineteni  xa’minohu bayicho malaatise abba hasiisano.
• Kameelunna motorete nadaaje xa’mo aana wo’ma hasiisanori fajjino soorreesi malaati xa’mirino oofaanchi malaati geejete nibaabe wonshino awutote ogeesi malaati,fajjinooni litire geeshi hanani bayichi wome daa hasiisano.
• Babbaxino handaarini shiqano qajeelshu piropoozale batooshe injaano gede lamalate albaani shiqeena qixaawo assa hasiisano.
• Loosasi albaani horonsidhino barru hosho ikko nadaajete forme aana wonshanoonsare wonshite dirisa hasiisano balaxote batooshe xa’mirate albaani.
• Loosasinete damooza lainohuni manu jirowiini aganuni loonsohanna loosinokiha badano kiliiranse shiqisha hasiisano.
• Hirote xa’mo lainohuni soorreyetewiini fajjinooni xa’mo malaatinsoonitanna xa’mirinohuno malaatisinota bajete noota buunxe abba hasiisano.
• Kameelu/motorete gatamarsha lainohuni soorreeye fajitino gatamarshu xa’mo ,xa’mirinohu malaatisinoti awutote ogeesini buuxante daa hasiisano.
• Babbaxino handaarini qajeelshaho hasiisano piropoozale lamalate albaani hirote ikko owaantete hasiisanore wonshate balaxe daa hasiisano.
• Uduunu eonno ikko fulo soorreeyeteni fajjante xa’mirinohu malaatiseena daa hasiisano.

Gobaadi Horaameeyera

• Batooshe lainohuni owaatamaano dagano woyite hiro ikko owaantete hiro batooshira hasiisano sanade wonsha hasiisanori higaawe darasanya,Mode 19,batooshe xa’minanni borro,batooshe gudani gede riqinbooni fajonna iyimate kaarde kophe assini shiqa hasiisano.
• Qajeelshu beeqanora dagano bayichini iyimate kaarde xaadisano borro, damooza xa’winse loosu dirsha xawinsooniha hare shiqa hasiisano.
• Garafote sanade hidhate higaawe dadallu fajjo VATtete borreessama,daddaloho uyinooni badooshu kiiro Tin number shiqisha hasiisano.
• Heewisamaano garafo sanade shiqishano woyite garafo kaajjishano c.p.o/baankete gaaraate amadisiise shiqisha garafote waaga VATtete ledo wonshine shiqisha hasiisano
• Garafo qeelinoha /qeelaminoha lainohuni qeelinohurano ikko qeelaminohura taalo borro borreessine mitto barra aa hasiisano.qeelinohu kayini sheemate kaajishano C.P.o/baankete garaante xaphooma qeelino woxini 10% loosise abba hasiisano.
• Jeefoteno xaphoomu seeru allaalshi biro ledo sheemate kaajjisha hasiisano.